martes, 14 de febrero de 2017
ASPECTOS DAS VOSAS INVESTIGACIÓNS QUE DEBEDES COÑECER
SOBRE ESPECTÁCULOS
1. Con que fines se celebraban os LUDI, quen os financiaba e con que obxectivo o facía?
2. Cita tres lugares que acollesen con frecuencia a representación de espectáculos e indica cales son as súas partes (tes que sabelas indicar nun debuxo).
3. Tedes que dar información relevante sobre as seguintes celebracións: carreiras de carros, naumaquias, venationes, execucións, loitas de gladiadores e representacións teatrais para os patricios e para a plebe.
4. A que se debeu a prohibición de moitos destes espectáculos na etapa final do Imperio?
5. Debedes coñecer os datos seguintes sobre xéneros literarios:
- ÉPICA: definición, obra e autor máis relevante
- COMEDIA: definción e o nome dos dous autores máis destacados
- ORATORIA: definición, función na sociedade romana e o nome dun orador célebre.
- LÍRICA: definición e autores destacados
- EPIGRAMA: definición, función na sociedade romana e autor máis coñecido
INDUMENTARIA
6. Masculina: tipos de togas, utilidade de cada unha e tipos de calzado.
7. Feminina: elementos da vestimenta da muller ( fascia pectoralis e strophium, túnica, estola e palla) e definición dos mesmos. Tipos de calzado.
8. Que función desempeñaba a ornatrix?
A MULLER EN ROMA
9. No momento do nacemento, quen decidía sobre o futuro que lle esperaba á rapaza?
10. Cal é a diferencia entre o matrimonio cum manu e o matrimonio sine manu?
11. Que é unha matrona?
12. Indica en que consiste cada un destes tipos de relación: matrimonio sine connubio, concubinato e contubernio.
13. Que era unha vestal?
OS TRIA NOMINA (os tres nomes)
14. Indica cales son as partes destes nomes de varón e de muller romanos e que indica cada un:
Appius Tullius Brutus
Marcia Pompilia
A ALIMENTACIÓN
15. Que era a polenta?
16. Cales eran os nomes que, en latín, se referían ás comidas feitas nas distintas partes do día?
17. Que partes tiña un banquete patricio (cantas comidas se servían) e en que consistía cada unha?
18. Como conservaban os romanos os alimentos perecedeiros?
19. Explica quen compoñía a PLEBS FRUMENTARIA e que relación tiña coa ANNONA.
Non esquezades que tamén debedes coñecer os aspectos que tratamos na aula sobre A EDUCACIÓN ROMANA.
jueves, 9 de febrero de 2017
sábado, 31 de diciembre de 2016
PARA INVESTIGAR NESTE SEGUNDO TRIMESTRE
Dando continuidade á dinámica de traballo aplicada no primeiro trimestre, seguiremos, neste segundo, adicando unha parte do noso tempo a investigar sobre a cultura, os costumes e as formas de vida do pobo romano na antigüidade. Cada equipo terá que ter concluída a elaboración do traballo o día 20 de xaneiro, para poder facer as correccións oportunas de xeito previo á súa exposición -segunda semana de febreiro-.
Tres dos traballos xirarán entorno á vida privada:
a- A ALIMENTACIÓN
LUCÍA E MARCELO
- Información no tema III do libro de texto e nos dous enlaces que se engaden:
b- A INDUMENTARIA MASCULINA E FEMININA
VERÓNICA E MARTA
- Información no tema IV do libro de texto e nos tres enlaces que se engaden:
c- O NOME NOS HOMES E MULLERES. O PAPEL DA MULLER NA FAMILIA
CRISTIAN E RAÚL
- Información nos temas I e VII do libro de texto e nos dous enlaces que se engaden:
O cuarto deberá informar acerca dun aspecto ben curioso da vida pública:
d- OS ESPECTÁCULOS -teatros, anfiteatros e circos-. A súa relación cos xéneros literarios
ROSALÍA E LAURA
- Información nos temas III, IV e V do libro de texto e nos dous enlaces que se engaden:
Sobre xéneros literarios recóllese información ao remate do libro de texto: cómpre enumeralos e definilos. No que debedes afondar un pouquiño máis e no teatro, explicando a comedia e relacionándoa cos espazos anteriores.
Lembrade que debedes facer o voso traballo de investigación en galego e por parellas, distribuíndo as tarefas de xeito equitativo. Teredes que facer unha exposición oral con apoiatura dixital, demostrando de xeito aceptable o voso dominio do tema asignado.
Suscribirse a:
Entradas (Atom)